რა უპირატესობა აქვს მოხეხილ ბეტონს:
პირველ რიგში შეგვიძლია აღვნიშნოთ ფასი, ბეტონის მოხეხვა შედარებით იაფი და სწრაფი საშუალებაა იდეალური ზედაპირის მისაღებად, სხვა შემთხვევაში ბევრად მეტი თანხებით მოგიწევთ ფილის მოწყობა რაც ასევე ეფექტური თუმცა ძვირი საშუალებაა ეზოების და ვერანდების მოსაპირკეთებლად, თუმცა ფილის სიმტკიცე ვერ შეედრება მოპრიალებული ბეტონის სიმტკიცეს.
პირველი ეტაპის მოსამზადებელი სამუშაოები:
ბეტონის დასხმამდე უმჯობესია ტერიტორია დაფაროთ 0.20 მმ-იანი ფრაქციის ქვა ღორღით ამის შემდეგ ზედაპირზე მოაწყვეთ მინიმუმ 4მმ-იანი სეტკა რომელიც ქართულ ბაზარზე საკმაოდ ინტენსიურად გამოიყენება, ან მოაწყეთ არმირება, ეგრეთ წოდებული არმატურის დაწვნა, უკვე მზა არმირება აწიეთ მიწიდან 3-4 სმ-ის სიმაღლეზე სპეციალური საბჯენებით ან დაალაგეთ ნამტვრევ ქვაზე, იმ შემთხვევაში თუ ბეტონს ასხამთ ისეთ ლოკაციაზე სადაც მძიმე ტვირთმზიდ ავტომობილებს ხშირად მოუწევთ გადაადგილება, რეკომენდებულია 12 მმ-იანი არმატურის დაწვნა ბეტონში ჩასაყოლებლად
არმირების პარამეტრები:
როგორც ზემოთ აღვნიშნეთ თუ მზა არმირებას არ ყიდულობთ და არმატურის დაწვნის მეთოდს იყენებთ 12 მმ-იან არმატურას გირჩევთ თუმცა შეგიძლიათ ბევრად დაბალი სისქის არმატურა გამოიყენოთ, ეს იმ შემთხვევაში თუ ტერიტორია არ არის გათვლილი მძიმე ტვირთებისთვის, იმ შემთხვევაში თუ მზა არმირების შეძენას აპირებთ შეგიძლიათ 6 მეტრი 2 მეტრზე ქარხნული მზა წნული გამოიყენოთ
ბიჯი ანუ წნულებს შორის დაშორება:
მზა წნულზე არმატურის ოპტიმალური დაშორება 20x20 სანტიმეტრია თუმცა არც ისე ბიუჯეტურია, მისი ფასი კვადრატულ მეტრზე დღეის მონაცემებით (08.24.2024) 16.5 ლარია, წნულის ზომა 6000*2000*200*200*10 ზე, უფრო გასაგებად რომ ვთქვათ ექვსი მეტრი ორ მეტრზე ლისტი, 10 მმ-იანი არმატურით დაწნული, არმატურას შორის დაშორება 20 სმ, ამ პარამეტრის წნული საკმაოდ მაღალი გარანტიაა მძიმე დატვირთვებს გაუძლოს თუმცა ასეთი წნულის საჭიროება შეიძლება დიდ საწყობებში, ტრასის პირა ობიექტებზე და ა.შ
მეორე ეტაპი ბეტონის მოპრიალება:
იდეალური ბეტონის იატაკის მისაღებად რამდენიმე მნიშვნელოვან ეტაპს გადის ბეტონი მოპრიალებისას კერძოდ: ბეტონის ჯერ კიდევ სველ მასას სპეციალურ ფხვნილს აყრიან და ამის შემდგომ ეგრეთ წოდებული ვერტალიოტით იწყებენ მოხეხვას, ვერტალიოტი სწრაფი ბრუნის საშუალებით იწვევს ბეტონის წვას ფხვნილთან ერთად და წვის შედეგად მიიღება გლუვი მუქი ფერის იდეალური ბეტონის ფილა.
ბეტონის ფერები:
თითქმის ყველა ფერის ბეტონის დეკორატიული ფხვნილი არსებობს ბაზარზე, უმეტესად გამოყენებადი კი წითე ლი და მწვანე ფერებია, არსებობს შედარებით დაბალი ხარისხის თურქული ფხვნილი, რომლის ფასიც 4 ლარია და მაღალი ხარისხის პოლონური ფხვნილი რომელიც 7-8 ლარად ფასობს.
ბეტონის მოხეხვის ბოლო ეტაპზე:
აუცილებელია მოპრიალებული ფილის დაჭრა გარკვეული პარამეტრებით, ეს მეთოდი თავიდან აგარიდებთ ბეტონზე სამომავლოდ ბზარებს. ჩვენი რეკომენდაციით თუ სივრცე საშუალებას გაძლევთ ბეტონი დაჭერით 3x3 მეტრის ფილებათ, 6-7 სმ-ის სიღრმეზე, თუ ყოველ ეტაპს წარმატებით დაასრულებთ ამგვარ მოპრიალებულ ბეტონზე ბზარების გაჩენის შანსი ძალიან მინიმუმამდეა დაყვანილი.
ბეტონის დასხმა მოხეხვის ფასი: ფასები არა ერთგვაროვანია და საქმის სირთულით და მასშტაბით განისაზღვრება, მაგალითად 1000 კვადრატი ბეტონის დასხმა შესაძლებელია 12-15 ლარათ, მაგრამ მცირე მასშტაბის სამუშაოებზე, დავუშვათ 200 კვ.მ-ზე შესაძლოა ფასი 35-40 ლარი იყოს