ახლა მინდა, გაგიზიაროთ კარგი მალიარის რამდენიმე ჩვევა, ამ ჩვევებზე დაკვირვებით უმალ ამოიცნობთ ვინ არის კარგი მალიარი და ვინ არის დამწყები ან ცუდი მალიარი
კედლის დამუშავება მომზადება ფითხისთვის:
კარგი მალიარი ყოველთვის იწყებს მუშაობას კედლის საფუძვლიანი გაფხეკვით. მიუხედავად იმისა, თუ როგორ გამოიყურება კედელი, ის აუცილებლად უნდა გაწმინდოს. ხანდახან ხდება, რომ კედელი კარგ მდგომარეობაში ჩანს, მაგრამ მაინც საჭიროა ზედაპირიდან ზედმეტი ნაწილაკების და მტვრის მოცილება, თუ ეს მალიარმა არ გააკეთა ჯობს გაუშვათ, ის თქვენც დაგღლით და თავადაც დაიღლება უთავბოლო საქმის კეთებით.
შპაკლის მომზადება:
დაშპაკვლამდე, როცა მალიარი ფითხს ჩაყრის ვედროში, უნდა დარწმუნდეს, რომ ვედრო საკმარისად სუფთაა იმისთვის რომ შპაკლის მასა თანაბრად და კარგად აირიოს ერთმანეთში. ფითხის წყალში ჩაყრის მერე უნდა დააცადოს 5-10 წუთი და მხოლოდ ამის შემდეგ დაიწყოს შპაკლის არევა, თუ პირდაპი არევა დაიწყო ეს კიდევ შეიძლება ეპატიოს ხელოსანს, თუმცა ჭუჭყიანი ვედროში ფითხის ჩაყრა პირდაპირი ნიშანია რომ დაასრულოთ ამ ხელოსანთან ურთიერთობა
ფითხის-შპაკლის წასმა:
კარგი მალიარი მუშაობაში, შპატერით ხშირად ასუფთავებს ვედროს ზედაპირს, რათა არ დარჩეს ზედმეტი ნაწილაკები, სხვა შემთხვევაში მუშაობაში ხელი ეშლება და ნაშპაკლ კედლებს ხაზავს ვედროდან აყოლილი წვრილი ნამტვრევები, ეს კიდევ აშკარა მინიშნებაა რომ ხელობა ამ ხელოსანმა არ იცის
შპალერის გაკვრა:
კარგი მალიარი ყოველთვის სუფთად აფენს იატაკზე ცელოფანს, სწორად ჭრის შპალერს და გულდასმით უსმევს წებოს შპალერზე. მან იცის, რომ თუ დარჩა წებოს გარეშე ადგილი, ეს აუცილებლად გამოიწვევს შპალერის "ბუშტებს" გაკრულ კედელზე, რაც დეფექტია. ასევე, მაღალი დონის მალიარმა იცის რომ შპალერის გაკვრის დროს ყველა კარი და ფანჯარა უნდა იყოს დახურული, ეს პროცესი განაპირობებს მაღალი ხარისხის ერთერთ გარანტიას.
ღებვა:
ღებვის დროს კარგი მალიარი ყოველთვის აურევს საღებავს ღებვის დაწყების წინ, იმისთვის რომ ფერი თანაბრად გადანაწილდეს საღებავში. თუ საღებავში რაიმე კრისტალები დარჩა, ეს გამოიწვევს ფერის განსხვავებას და კედელი არაერთფეროვნად შეიღებება. ასევე, მალიარი არ შეჩერდება ღებვის პროცესში და რაც შეიძლება სწრაფად შეღებავს კედელს ან ჭერს, კედლის ერთი ბოლოდან მეორე ბოლომდე მაინც თუ სრულ ოთახს არა, იმიტომ რომ თუ კედლის შუაში გააჩერა ღებვა და დაისვენა, გაგრძელებისას კედელზე არსებული საღებავი უკვე შემშრალია და მასზე გაგრძელება იწვევს გადაბმის ადგილში არა ერთფეროვან ზედაპირს რომელიც თვალისთვის შესამჩნევი ღებვის დეფექტია.
მოდით შევაჯამოთ
ალბათ ხშირად გაგიგიათ ხელოსანზე ეთქვათ რომ კარგი ხელიაქვს, მინდა გითხრათ რომ რომელი ხელოსანიც სუფთად მუშაობს და იცავს ამ წესებს, ის ხელოსანი წესების იმიტომ არ იცავს რომ ვინმე ავალდებულებს, მხოლოდ ასეთმა ხელოსანმა იცის რომ ბევრად სწრაფად და მაღალი ხარისხით დაასრულებს ასე საქმეს და ეყოლება ძალიან კმაყოფილი დამკვეთები, გაითვალისწინეთ რომ ეს ტექსტი არ არის უბრალოდ წასაკითხი, აქ მოცემული რეკომენდაციები ეფუძნება ძალიან ღრმა კვლევას ამ სფეროში და თამამად შეგიძლიათ დაეყრდნოთ მოცემულ რჩევებს, გისურვებთ წარმატებულ ძიებას!
