სარკეები შეკვეთით

სარკის გამოჭრა-დამზადება არც თუ ისე რთული საქმეა და ძალიან მარტივად არის მისი დამზადება შესაძლებელი, სწორედ ამის გამო მომხმარებელს ხშირად გონია რომ თავად შეძლებს მსგავსი სარკეების მონტაჟს, სინამდვილეში სარკის ობიექტზე მიტანა მონტაჟი წარმოადგენს ამ საქმიანობაში სირთულეს და არა დამზადება, ჩვენ გაგიზიარებთ რამდენიმე რჩევას რომელიც გაგიმარტივებთ გადაწყვეტილებას თუ როგორ მოიქცეთ მსგავს სიტვაციაში

1. თუ სარკე დიდი ზომის არის ნუ გაწევთ ზედმეტ რისკს და მიანდეთ მისი მონტაჟი პროფესიონალ ოსტატებს
2. თუ სარკის ზომა არის  მცირე, მაგალითად არ აღემატება 40-50 სმ-ს ამ შემთხვევაში შეგიძლიათ შეიმციროთ სარკის საფასური და თავად დაამონტაჟოთ, ამისთვის კი მხოლოდ სილიკონი დაგჭირდებათ, წაუსვით სარკის უკან მხარეს სილიკონი და მიაწებეთ ნებისმიერ მყარ ზედეპირს, გაითვალისწინეთ რომ სილიკონის წასმა მთლიან სარკეზე არ შეიძლება, ასეთ შემთხვევაში სილიკონის შრობის შემდგომ სარკე დაიჭიმება და გატყდება, სილიკონი წაუსვით ზოლებათ ან წერტილოვნათ.

თქვენ ასევე შეიძლება გჭირდებოდეთ საშხაპე კაბინები ამ შემთხვევაში ესტუმრეთ გვერდს საშხაპე მინების დამზადება

სარკეები ქართულ ბაზარზე

საქართველოს ბაზარზე სარკეების მრავალფეროვნებაა წარმოდგენილი. ძირითადად, ჩვენთან ჩინური, თურქული, რუსული და ფრანგული წარმოების სარკეებს შეხვდებით. ხარისხის თვალსაზრისით, ლიდერი უდავოდ ფრანგული სარკეებია. მათში თითქმის მიკროსკოპული დეტალებიც კი ირეკლება. მეორე ადგილზე რუსული წარმოების სარკეების დამზადება დგას, რომლებიც ასევე მაღალი ხარისხით გამოირჩევიან. თურქული სარკეები ხარისხით შუალედურ ადგილს იკავებენ, ხოლო ჩინური პროდუქცია, სამწუხაროდ, ყველაზე დაბალი ხარისხისაა.

•  ჩინური სარკეების შემთხვევაში, ახლო მანძილიდან დათვალიერებისას გამოსახულება საკმაოდ კარგად ირეკლება, თუმცა რამდენიმე მეტრის დაშორებიდან გამოსახულება დეფორმირდება და იწელება. ჩინური სარკეების დამონტაჟებისას მნიშვნელოვანია გავითვალისწინოთ, რომ სილიკონი აზიანებს სარკის ანარეკლით დაფარულ მხარეს და დროთა განმავლობაში სარკეზე ჩნდება შავი ლაქები რის გამოც ანარეკლი სარკის ფრაგმენტებში იკარგება და ირღვევა სარკის გამოსახულების მთლიანობა, ამიტომ ეცადეთ მონტაჟისას ნაკლები სილიკონი გამოიყენოთ.
• ფრანგული სარკის ხარისხის შედარება სხვა მწარმოებლების პროდუქციასთან შეიძლება ძვირადღირებული და იაფიანი ტელევიზორების გამოსახულების ხარისხთან შევადაროთ. ფრანგული სარკეები, ისევე როგორც ძვირადღირებული ტელევიზორები, გამოსახულებას უმაღლესი დეტალურობით ასახავს.
• სენსორული სარკის დამზადება: მეტი კომფორტისთვის რა არის სენსორული სარკე? ეს არის სპეციალური სარკე, რომელსაც აქვს დამატებითი ფუნქცია - ორთქლის საწინააღმდეგო დაცვა. სარკის უკანა მხარეს მოთავსებული სპეციალური სისტემა ათბობს სარკეს 20 გრადუს ტემპერატურაზე, რაც ხელს უშლის ორთქლის წარმოქმნას და სარკის დაბურვას შხაპის მიღების დროს.

სალონის და მაკიაჟის სარკე

• სალონის სარკე არაფრით განსხვავდება სხვა ჩვეულებრივი სარკისგან თუმცა სალონისთვის უმჯობესია მაღალი ხარისხის რუსული ან ფრანგული წარმოების სარკე შეუკვეთოთ, მართალია ცოტა ძვირი სიამოვნებაა ასეთი სარკის შეკვეთა, მაგრამ სალონში მომსვლელი ადამიანებისთვის დიდ კომფორტს ქმნის რადგან მას აქვს ძალიან დეტალური და წმინდა ანარეკლი.
• ანალოგიურად მაკიაჟის სარკე სასურველია მაღალი ხარისხის შეიძინოთ, ის ხომ რესტორნის საპირფარეშოს სარკე არ არის რომ ხელის გადაბანის დროს უბრალოდ ერთი ჩახედვით ჩაიხედოთ შიგ.

აბაზანის სარკე თაროებით 

აბაზანის სარკე თაროებით ეს არის კარგი კომბინაცია იმ შემთხვევაში თუ თაროები დამზადებულია პვც-ს მასალით, საკმაოდ ძვირი და ამასთან მსუბუქი მასალაა, ყველაფერთან ერთად კი უდიდესი უპირატესობით სარგებლობს ჩვეულებრივ თაროებთან შედარებით, ფაქტიურად მისი წყლისგან დაზიანება შეუძლებელია, სწორედ ასეთ თაროზე განთავსებული სარკე არის იდეალური გადაწყვეტილება.

სარკე სტიკერი-იგივე დრეკადი სარკე

ეს მასალა ძალიან დრეკადია და აქვს წებოვანი ზედაპირი, რაც საშუალებას იძლევა, რომ იდეალურად შეწებდეს თითქმის ნებისმიერი ბრტყელ და მყარი ზედაპირზე. მისი გამოყენებით, თქვენ მიიღებთ სარკის მსგავს ეფექტს, რომელიც თითქმის ისეთი ნათელი და მბრწყინავი იქნება, როგორც ნამდვილი სარკე, თუმცა ეს მხოლოდ ვარაუდია, რადგან საქართველოსთვის ასე თუ ისე სიახლეა, სხვა დანარჩენს პრაქტიკა აჩვენებს.

სენსორული სარკის უპირატესობები

• კომფორტი: შხაპის მიღების დროს სარკე ყოველთვის სუფთა და გამჭვირვალეა.
• ფუნქციონალობა: სარკის გათბობა ავტომატურად ჩაირთვება, საშხაპე კაბინაში გამწოვის ჩართვისას და სრულად გააშრობს სარკის ზედაპირს ორთქლისგან. 

როგორ მუშაობს სენსორული სარკე?

სარკის უკანა მხარე მოწყობილია სპეციალური PVC მასალით, რომელიც იცავს საშრობ დეტექტორს დაზიანებისგან. სარკის გვერდები დამუშავებულია ქვიშის ჭავლით ან ლაზერით, დამუშავების მიზეზი ჩამქრალ სარკეზე მატოვი გვერდების ეფექტია, ასევე ეს მეთოდი საშუალებას იძლევა სარკე განათდეს გვერდებიდან. ლაზერული დამუშავება უფრო ძვირი, მაგრამ ეფექტური მეთოდია.

სარკის კუთხეების დამუშავების მეთოდები

სარკის დამზადებას აქვს თავისი სპეციფიკა: კუთხეების დამუშავება აუცილებელია დაზიანების თავიდან ასაცილებლად. თბილისის ბაზარზე ამჟამად ორი ძირითადი მეთოდი გამოიყენება:

ფასკა და ევრო კრონკა.

• ფასკა: ეს მეთოდი გულისხმობს სარკის კუთხის დაახლოებით 1 სანტიმეტრით დახრილ ჭრილს.  ფასკა ხშირად გამოიყენება პატარა სარკეებზე და დეკორატიული ელემენტებისთვის. ის ვიზუალურად საინტერესო ეფექტს ქმნის, თუმცა დიდი ზომის სარკეებზე შეიძლება ნაკლებად მიმზიდველად გამოიყურებოდეს.
• ევრო კრონკა: ეს მეთოდი მოიცავს სარკის კუთხის მომრგვალებას, რაც მანქანის ფანჯრის შუშის მომრგვალებას მოგაგონებთ. ევრო კრონკა უფრო დახვეწილი და თანამედროვე იერს აძლევს სარკეს, განსაკუთრებით დიდი ზომის სარკეების შემთხვევაში. რატომ არის მნიშვნელოვანი კუთხეების დამუშავება? სარკის დაუმუშავებელ კუთხეებს შეუძლია გამოიწვიოს დაზიანება, განსაკუთრებით თუ სარკე დამონტაჟებულია ადგილას, სადაც ადამიანებს ხშირად უწევთ ტრიალი. დამუშავებული კუთხეები ამცირებს დაზიანების რისკს და ხდის სარკეს უფრო უსაფრთხოს.