ცენტრალური გათბობის ხელოსანი

ცენტრალური გათბობა არის ეფექტური და უსაფრთხო სისტემა, რომელიც უზრუნველყოფს თქვენი სახლის სრულ და თანაბარ გათბობას. იგი მიზანმიმართულად მუშაობს, რათა მოახდინოს მინიმალური ხარჯი და მაქსიმალური კომფორტი. ქვემოთ განვიხილავთ ცენტრალური გათბობის სისტემის უპირატესობებს და რამდენიმე მნიშვნელოვან დეტალს მისი გამოყენებისას.

ცენტრალური გათბობის უპირატესობები

უსაფრთხოება: ცენტრალური გათბობის ქვაბი ძირითადად მონტაჟდება აივანზე ან სხვა გარე სივრცეებში, რაც მნიშვნელოვნად ამცირებს ბუნებრივი აირის ნამწვის დაგროვების რისკს, რაც კარმა-გათბობის სისტემებში ხშირია. კარმის არასწორმა მონტაჟმა შესაძლოა გამოიწვიოს ბუნებრივი აირის დაგროვება, რაც ჯანმრთელობისა და სიცოცხლისთვის სახიფათოა.

ზოგადი ხარჯების შემცირება: ცენტრალური გათბობის სისტემა უზრუნველყოფს სახლის ერთიანი გათბობის პროცესს. თუ დიდი სახლია, კარმის გამოყენება მოითხოვს რამდენიმე ერთეულ კარმას, რაც საჭიროებს მეტ ბუნებრივ აირს და შესაბამისად დიდ ხარჯს. ცენტრალური გათბობა კი მთელი სახლის გათბობას უწყობს ხელს და ტემპერატურის საჭირო დონეს ავტომატურად აფიქსირებს, რაც მინიმუმამდე ამცირებს ბუნებრივი აირის ხარჯს, სწორედ ამიტომ ცენტრალურ გათბობას აქვს უპირატესობა სხვა გათბობის სისტემებთან შედარებით.

ცენტრალური გათბობის ქვაბები და ფასები

ცენტრალური გათბობის ქვაბების არჩევა ძალიან მნიშვნელოვანია. უნდა გაითვალისწინოთ რამდენიმე ფაქტორი: ბრენდი, სივრცის კვადრატულობა და ფასები. ცნობილ ბრენდებს შორის არიან: Samsung, Bosch, Siemens, LG, Midea, Ariston და სხვ. ფასები განსხვავდება, დაწყებული 1500 ლარიდან და შესაძლოა 20000 ლარამდე მიაღწიოს. სპეციალისტები გაწვდიან რჩევებს და დაგეხმარებიან სწორი გადაწყვეტილების მიღებაში.

ქვაბის შეძენა და მისი მოვლა

კვადრატულობა: დარწმუნდით, რომ ქვაბი შეესაბამება თქვენი სახლის კვადრატულობას. მაღალ მთიან რეგიონებში, სადაც ზამთარში ძალიან ცივა, სპეციალისტების რჩევა აუცილებელია. კარგი ცენტრალური გათბობის ხელოსანი შეძლებს სწორი გადაწყვეტილების მიღებას კონკრეტული შემთხვევისთვის.

გათბობის ქვაბის მოვლა: ქვაბი უნდა იყოს კარგად შეფუთული და დაცული სიცივისგან. დროთა განმავლობაში საჭიროა მისი გამორეცხვა სპეციალური ხსნარებით. წყლის სიხისტის გამო, ქვაბის შიდა ნაწილები ნადებს იკეთებს, რაც მის სწორ და გამართულ ფუნქციონირებას ხელს უშლის.

ხშირად დაშვებული შეცდომები

ქვაბის გამორთვა: ქვაბი არ უნდა გამოირთოს დენის წყაროდან პირდაპირ. ამან შეიძლება გამოიწვიოს დედა პლატის (ანუ ტვინის) დაზიანება. ყოველთვის უნდა გამოირთოს ღილაკით და შემდეგ დენის წყაროდან.

წყლის სიხისტე: საქართველოს ხისტი წყლის პირობების გათვალისწინებით, ქვაბების შიდა ნაწილები დროთა განმავლობაში ნადებს იკეთებს და საჭიროა ყოველწლიური გაწმენდა.

შენიშვნა: ეს რეკომენდაცია ეხება შედარებით ძველი გათბობის სისტემებს. თანამედროვე 2024 წლის გათბობის ქვაბების მაღალი ხარისხის მოდელებს ეს პრობლემა არ აქვთ; შესაბამისად, ნებისმიერ დროს შეგიძლიათ პირდაპირ როზეტიდან გათბობის სისტემის გამორთვა.

რადიატორების ტიპები

პანელური რადიატორები: ერთიანი კონსტრუქცია, რომლის სიგრძე შეგიძლიათ მოარგოთ თქვენს საჭიროებებს. ისინი, როგორც წესი, სექციურ რადიატორებთან შედარებით იაფია.

სექციური რადიატორები: შედგება ასაწყობი სექციებისგან, რომელთა რაოდენობასაც კომპეტენტური ხელოსანი დაგითვლით. სექციური რადიატორები ვიზუალურად მიმზიდველია, თუმცა მათი ფასი ცოტა მაღალია.

ქვაბის და რადიატორების გამოსარეცხი ხსნარები და ფასი

ცენტრალური გათბობის სისტემაში გამოიყენება სითხე გლიკოლია, რომელსაც 10 წლის გარანტია აქვს და ნადებს არ იკეთებს. ერთი ცალი 10 ლიტრიანი ბალონი 220 ლარი ღირს და ის 130 კვადრატულ მეტრზეა გათვლილი.

რატომ არ აცხელებს გათბობის ქვაბი წყალს

წყლის წნევა: პირველ რიგში, შეამოწმეთ წყლის წნევა სისტემაში. თუ წნევა დაბალია, აუცილებელია სისტემის წყლით შევსება.

ბუნებრივი აირი: თუ წყლის პრობლემა არ არის, შემდეგი ნაბიჯი ბუნებრივი აირის მიწოდების შემოწმებაა. აირის დაბალი წნევა ან საერთოდ არარსებობა შეიძლება იყოს ცხელი წყლის არარსებობის მიზეზი.

შიდა ცეცხლი: თუ შიდა ცეცხლი სუსტად იწვის ან საერთოდ არ ინთება, აუცილებელია ბუნებრივი აირის სისტემის გაწმენდა. ეს ჩვეულებრივ ჰაერის დაბერვით ხდება.

სისტემის დაბინძურება: თუ მთლიანი წყლის სისტემა დაბინძურებულია, შესაძლოა საჭირო გახდეს სისტემის გამორეცხვა სპეციალური აპარატით და მჟავით. ეს პროცედურა აშორებს შიგნით დაგროვილ ნაგავს და სხვა დაბინძურებებს.

სალნიკები და რეზინები: დაზიანებული სალნიკები ან რეზინები შეიძლება გახდეს წყლის ან სხვა კომპონენტების გაჟონვის მიზეზი, რაც ასევე გავლენას ახდენს წყლის გაცხელებაზე. ამ შემთხვევაში საჭიროა დაზიანებული დეტალების შეცვლა.