დენის გაყვანა ხელოსანი

ელექტროობის გაყვანა-დაქსელვა არის მნიშვნელოვანი და სერიოზული პროცესი, რომელიც მოითხოვს მაღალი პროფესიონალიზმის და სიზუსტის უნარს. საქართველოში, სამწუხაროდ, ხშირად ხდება, რომ ელექტრო ტექნიკური სამუშაოები არ სრულდება სათანადოდ, რამაც შეიძლება გამოიწვიოს სერიოზული პრობლემები, მათ შორის ხანძრის გაჩენის და დენის დარტყმის რისკი ადამიანზე.

კედლის მომზადება: დახაზეთ წინასწარ კედელი თუნდაც ცარცით, მონიშნეთ ყველა ჩამრთველი და როზეტის ადგილი, ელექტრიკის მითითებით ან თავად მას დაავალეთ რომ ეს გააკეთოს, უთხარით რომ დიზაინერს გსურთ ელექტრო ქსელის ნახაზი მოამზადებინოთ, ამის შემდეგ შეგიძლიათ საქმე დიზაინერს მიანდოთ ზუსტი ზომების ნახაზზე გადასატანად, თუ თავად ხელოსანი ასრულებს მსგავს საქმეს ჩათვალეთ რომ ძალიან მაღალი დონის პროფესიონალთან გაქვთ საქმე და დიზაინერზე ბევრად იაფიც დაგიჯდებათ ტექნიკური ნახაზის გაკეთება.

გოფრირებული მილები: ყველა სადენი უნდა განლაგდეს გოფრირებულ მილებში. ეს მასალა არამარტო იცავს სადენებს მექანიკური დაზიანებისგან, არამედ შეამსუბუქებს საჭიროების შემთხვევაში მათ შეცვლას.

ელექტროობის გაყვანა-დაქსელვის გეგმა: ძალიან მნიშვნელოვანია გქონდეთ დეტალური გეგმა, რომელიც ასახავს თითოეული სექციის, როზეტისა და განათების ადგილმდებარეობას. ხელოსნების უმეტესობა ასეთ გეგმას სრულყოფილად კომპიუტერულ ფორმატში ვერ ასრულებს, ასეთ შემთხვევაში ეს საქმე შეუკვეთეთ პროფესიონალ დიზაინერს. გეგმა დაგეხმარებათ მუშაობის გამარტივებაში, შეცდომების თავიდან აცილებაში და მომავალში დაზიანებული წერტილების ან სადენი მარტივ მოძიებაში.

უსაფრთხოება: სწორად შესრულებული ელექტროობის გაყვანა და დაქსელვა მნიშვნელოვნად ამცირებს ხანძრისა და დენის დარტყმის რისკს, რაც ყველაზე მნიშვნელოვანი ფაქტორია თქვენი ოჯახის უსაფრთხოებისათვის.

კომფორტი: კარგად დაგეგმილი ელექტროობის გაყვანა და დაქსელვა უზრუნველყოფს საჭირო განათების და როზეტების სწორ ფუნქციონირებას, რაც ქმნის იდეალურ გარემოს ყოველდღიური ცხოვრებისათვის.

მოხერხებულობა: თუ საჭირო გახდება სადენების შეცვლა ან დამატებითი როზეტების დამონტაჟება, სწორად დამონტაჟებული ქსელი გაამარტივებს ამ პროცესს და საშუალებას მოგცემთ უმალ შეცვალოთ სურვილის ან საჭიროებისამებრ სადენი

საიმედოობა: სწორად დამონტაჟებული ელექტროობის სისტემა დიდხანს იმუშავებს და ნაკლებად საჭიროებს სარემონტო სამუშაოებს, რაც საბოლოო ჯამში გაძლევთ დიდხანს გამოყენების და მაღალი ხარისხის გარანტიას.

დენის გაყვანა-დაქსელვა არის საკმაოდ რთული და საპასუხისმგებლო სამუშაო. თუ არ გაქვთ შესაბამისი ცოდნა ან გამოცდილება, უმჯობესია მიმართოთ კვალიფიციურ ელექტრიკოსს, რომელიც უზრუნველყოფს უსაფრთხო და საიმედო ელექტრო ქსელის შექმნას.