შუშის ხელოსანი

თუ ამ ტექსტს კითხულობთ, დიდი ალბათობით, შემინვის სამუშაო გაქვთ ჩასატარებელი და გჭირდებათ კეთილსინდისიერი, მცოდნე და გამოცდილი შუშის ხელოსანი. სანამ შუშას შეუკვეთთ, კარგი იქნება, თუ ამ სტატიას გაეცნობით მინის სახეობების შესახებ და მიიღებთ პრაქტიკულ რჩევებს. იმედია, სტატიაში მოცემული ინფორმაცია სხვადასხვა დანიშნულების შემინვისთვის გამოგადგებათ.

სტანდარტული შუშა

შუშასთან სიფრთხილე ყოველთვის მნიშვნელოვანია, განსაკუთრებით მაშინ, როდესაც აივანი, საშხაპე კაბინა ან პანორამული ჭერი უნდა შემინოთ. მსგავსი სამუშაოებისთვის გამოიყენება ძირითადად 8-10-12 და 30 მმ-ის შუშა სტანდარტული შუშა ამ შემთხვევაში ძალიან სახიფათოა. ამ ტიპის მინა საკმაოდ მძიმეა და გატეხვის შემთხვევაში დიდი რისკს შეიცავს ადამიანისთვის, ამიტომ ამ სამუშაოების შესრულება აუცილებელია ყოველ მიზეზ გარეშე ნაწრთობი შუშით.

ნაწრთობი შუშა

ნაწრთობი შუშა მიიღება 600-700 გრადუს ტემპერატურაზე სტანდარტული შუშის წრთობის შედეგად. მისი უპირატესობა მაღალი სიმტკიცეა დარტყმის მიმართ, ამასთან გატეხისას შუშა მცირე ნაწილაკებად იშლება, რაც სტანდარტული შუშისგან განსხვავებით ბევრად უსაფრთხოა.

ლამინირებული შუშა (ლამექსი)

ლამინირებული შუშა (ლამექსი) ორი შუშის ფენის შეწებებით მიიღება. ეს შეწებვა თვალისთვის უხილავია და როგორც ერთი მთლიანი გამჭვირვალე მინა აღიქმება. ლამექსი შეიძლება გაკეთდეს როგორც ნაწრთობი, ისე უწრთობი შუშის შეწებებით.

დასკვნა

უწრთობი შუშით საერთოდ არ შეიძლება მოცემული სამუშაოების შესრულება

ნაწრთობი იგივე ზომის შუშა გაცილებით უსაფრთხოა თუმცა შედარებით ძვირი

ლამინირებული შუშა, ყველაზე უსაფრთხო და ამასთან ძვირი

შუშის ფერები

მინის ქართულ ბაზარზე რამდენიმე ძირითადი ფერის შუშა არსებობს, რომელთა შორის შეგიძლიათ აირჩიოთ

ყავისფერი

შავი

მომწვანო

მოლურჯო

ულტრა თეთრი

ჩვეულებრივი თეთრი

აივნების შემინვა

აივნის შემინვა უნდა განხორციელდეს ლამექსით, რათა გარანტირებული გქონდეთ მისი უსაფრთხოება. ბიუჯეტური ვარიანტისთვის შეიძლება გამოიყენოთ სტანდარტული 6X6 ზომის ლამინირებული შუშა, თუმცა უკეთესი შედეგისთვის უფრო დიდი ზომის მინების გამოყენება რეკომენდირებულია.

მინის მოაჯირი

თუ რკინის კონსტრუქცია შუშით უნდა მოაწყოთ და მოაჯირის დეტალების შორის მცირე დაშორებებია, ჩვეულებრივი ნაწრთობი შუშაც შეიძლება იყოს მისაღები. ასეთ შემთხვევაში, შუშის მოაჯირი უსაფრთხოდ ჩაითვლება.

პანორამული ჭერების შემინვა

პანორამული ჭერების შემინვა, ისევე როგორც აივნის მოწყობა, აუცილებელია ლამინირებული შუშით. ჭერის შემინვა უნდა გაკეთდეს მინიმუმ 10X10 მმ-ი სისქის ლამექსით ან უკეთესი შედეგისთვის 10X10X10 ორმაგი შეწებების ლამინირებული შუშით.

დუშკაბინის დამზადება

თუ დუშკაბინის დამზადება გსურთ, ბიუჯეტურ შემთხვევაში მისაღები და დასაშვებია მათი ნაწრთობი შუშით დამზადება ლამინირების გარეშე, თუმცა თუ ბიუჯეტი საშუალებას გაძლევთ, მაქსიმალური გამძლეობისა და უსაფრთხოებისთვის სასურველია ლამექსით დამზადება, კონსტრუქციის გარეშე მხოლოდ მინით შემინვის შემთხვევაში კატეგორიულად მიუღებელია ლამექსის გარეშე შემინვა.

მყარი და უსაფრთხო ნაწრთობი შუშა

სტანდარტული უწრთობი შუშის გამოყენება არ არის რეკომენდირებული ისეთ სივრცეებში, სადაც შუშის გატეხვის საფრთხე არსებობს. სტანდარტულ ნაწრთობ შუშას ძირითადად საშხაპე კაბინების დასამზადებლად იყენებენ.

რა შემთხვევაში ტყდება ნაწრთობი შუშა

თუ უსაფრთხოების ნორმებს დაიცავთ, საშხაპე ან სხვა ტიპის ნაწრთობი შუშა პრაქტიკულად გამორიცხულია რომ გაგიტყდეთ. გატეხვა შესაძლებელია მხოლოდ დამუშავებულ კუთხეზე ბლაგვი საგნის მირტყმით. თუ კუთხეებს სპეციალური დამცავი ფარფლით დაფარვთ, გატეხის რისკები მინიმუმამდე იქნება დაყვანილი.

შუშის დამცავი საშუალებები

საშხაპე კაბინას აუცილებლად მოარგეთ შუშის დამცავი მაგნიტი ან ფარფლი, რომელიც შუშას იცავს გატეხვისგან და წყლის გარეთ გაჟონვას გამორიცხავს.

ყველაზე უსაფრთხო შუშა

ლამექსი ყველაზე უსაფრთხო შუშაა. საშხაპე კაბინებისთვის გამოიყენეთ 4X4 ან 4X6 შეწებების გზით მიღებული ლამინირებული შუშა. აივნების შემინვა უნდა განხორციელდეს მინიმუმ 6X6 ზომის ლამექსით, ხოლო პანორამული ჭერისთვის სასურველია 10X10X10 მმ-იანი ორმაგი შეწებების შუშით.

შენიშვნა

მოცემული კონტენტი ეფუძნება კომპანია სერვიშის მიერ ჩატარებულ ორიგინალურ კვლევას, რაც უზრუნველყოფს მის უნიკალურობას და გამორჩეულობას.