საშხაპე კაბინა

 მინის ტიხარი საშხაპისთვის იდეალური გადაწყვეტილებაა მცირე ზომის აბაზანებისთვის, სადაც ორმხრივი დუშკაბინის დაყენება შეუძლებელია. თუ ოდნავ ხელი გემარჯვებათ სახელოსნო საქმიანობებზე, მისი მონტაჟი მარტივია და არ საჭიროებს სპეციალურ უნარებს.

რა დაგჭირდებათ :

• ქაღალდის სკოჩი

• სილიკონი

• პროფილის დამჭერი დუბელები

• მინის და კედელს შორის დამჭერი შტანგა

• მინის დამჭერი ალუმინის პროფილი

• ნაწრთობი მინა (მინიმუმ 8 მმ სისქით)

• 6x4 ლამინირებული ნაწრთობი მინა (რეკომენდებულია მაღალი გამძლეობისთვის)

მონტაჟის ეტაპები :

1. პროფილის დამაგრება: დაამაგრეთ ალუმინის პროფილი კედელზე დუბელების გამოყენებით.

2. მინის მორგება: პირველად მოარგეთ მინა პროფილზე სილიკონის გარეშე, შეფუთეთ მინა და პროფილი ქაღალდის სკოჩით

3. სილიკონის წასმა: შემდეგ ისევ მოხსენით მინა პროფილს და წაუსვით პროფილის ღარს სილიკონი, ამის შემდეგ შეგიძლიათ მშვიდათ ჩასვათ პროფილში შუშა და დაამაგროთ დამჭერი შტანგით.

შენიშვნა: თუ ზედმეტ რისკებს ერიდებით და ხელიც არ გემარჯვებათ ხელობის საკეთებლათ, ჯობს შუშის ხელოსანი გამოიძახოთ რადგან შუშასთან უხეში მოპყრობით შესაძლოა ორმაგი დანახარჯის გაღება მოგიწიოთ, ამასთან გატეხის შემთხვევაში დაზიანება მიიღოთ.

რჩევები:

• მინის სისქე: უმჯობესია გამოიყენოთ მინიმუმ 8 ან 10 მმ-იანი სისქის ნაწრთობი. უკეთეს შემთხვევაში ლამინირებული მინა რომელიც გაცილებით გამძლეა, თუმცა უფრო ძვირი ჯდება.

• პროფილის შერჩევა: აირჩიეთ მაღალი ხარისხის ალუმინის პროფილი მაგალითად: ალდოქსის პროფილი, რომელიც მყარი სამაგრისთვის არის განკუთვნილი და სტილისტურადაც საკმაოდ კარგათ გამოიყურება.

რა ღირს მაღალი ხარისხის საშხაპე კაბინა?

პირველ რიგში განვსაზღვროთ რას ნიშნავს მაღალი ხარისხის დუშკაბინა, ეს არის ულტრა თეთრი ნაწრთობი შუშით შექმნილი საშხაპე კაბინები, ნაწრთობი შუშისგან განსხვავებით მინაზე არ იკეთებს ნადებს რადგან წყლის წვეთს არ იკარებს, ამის გამო ბევრად ნაკლებ წმენდას საჭიროებს და ვიზუალურ ეფექტს ინარჩუნებს.

რა განასხვავებს ულტრა თეთრ შუშას

აბაზანისთვის ძირითადად გამოიყენება 10 მმ სისქის შუშა, მისი სისქიდან გამომდინარე შეფერილობის დადგენა გვერდიდან დათვალიერებით ყველაზე მარტივია. დაბალი განათების პირობებში ორივე სახის შუშა შესაძლოა ერთნაირი ჩანდეს. თუმცა, გვერდიდან დაკვირვებისას განსხვავება აშკარად შესამჩნევია: ჩვეულებრივი შუშას მომწვანო ელფერი აქვს, ხოლო ულტრა თეთრი შუშა აბსოლუტურად თეთრი ჩანს თვალში. მზის სინათლეზე ულტრა თეთრი შუშის უნიკალური თვისება კიდევ უფრო შესამჩნევი ხდება. შუშის ზედაპირი იასამნისფერ ელფერს იღებს, რაც მას ჩვეულებრივი შუშისგან თვალშისაცემად განასხვავებს.

შუშის კარის ფასი და არჩევანი

რა განსაზღვრავს ცალკე კარის ფასს? კარის დამჭერი მექანიზმები, საკიდი მექანიზმის ხარისხი, წყლისგან დამცავი ფარფლი და სახელური რომელიც მრავალნაირია ბაზარზე, მათ შორის ერთ-ერთი წამყვანი კომპანია ამ კუთხით გახლავთ სხივი, რომელშიც შეგიძლიათ შუშის სახელური შეარჩიოთ, საერთო ჯამში სტანდარტული კარს ფასი 500 ლარიდან იწყება თუმცა თუ საშხაპე კაბინის კარს ლამინირებული ან ულტრა თეთრი შუშით შეუკვეთთ, კარის ფასი 800-900 ლარამდე გაიზრდება.შუშის კარის დამზადება

შუშის კარის ხელოსანი

შუშის კარი სპეციალურად შეკვეთით  მზადდება, ისევე როგორც საშხაპე მინები. შუშის კარის დამზადებამდე, აუცილებელია მექანიზმის განსაზღვრა, რათა კარის ჭრები დაემთხვეს მექანიზმს. წინააღმდეგ შემთხვევაში, კარის დაყენება შეუძლებელი იქნება. 

ხშირად ხდება, რომ თბილისის სუპერმარკეტებში ან ოფისებში შუშის კარის მექანიზმი ზიანდება. თუ მექანიზმი ძალიან ძველი მოდელია, სამწუხაროდ ამ შემთხვევაში შუშის კარიც გამოსაცვლელი ხდება, რადგან კარის ჭრები არ ემთხვევა ახალ მექანიზმებს. თუ მექანიზმი დორმას, კახეს ან კალეს ბრენდისაა, თქვენ გაგიმართლებთ, რადგან ამ ტიპის მექანიზმები ბაზარზე ადვილად იშოვება, შესაბამისად კარის ხელახლა დამზადებას გადარჩებით.

საშხაპე კაბინები გასახსნელი კარით:

საშხაპე კაბინა პეტლზე შესაძლოა ადამიანმა გადაწყვიტოს ერთი მარტივი მიზეზის გამო, ასეთი საშხაპის შეკვეთა, სლაიდურ კაბინებთან შედარებით 150-200 ლარით ნაკლებ თანხას მოითხოვს, ვერ ვიტყოდით რომ ცუდი გადაწყვეტილებაა თუმცა არა საუკეთესო.

საშხაპე კაბინები გასაგორებელი კარით:

იგივე „სლაიდური კარი“ მრავალი უპირატესობით სარგებლობს, გამოსახსნელ კართან შედარებით, პირველი და ყველაზე შესამჩნევი უპირატესობა არის შეზღუდულ სივრცეში დუშკაბინის მოწყობის საშუალება, მეორე და ალბათ არანაკლები უპირატესობა წყლის შეკავებაა იმისთვის რომ წყალი სააბაზანოში არ გადმოვიდეს შხაპის მიღებისას. 

შუშის სამაღაზიე კარის ფასი

მაღაზიისთვის კარის დამზადება მონტაჟი დაახლოებით 400-600 ლარით მეტი ღირს, ვინაიდან მაღაზიის კარი მრავალჯერადი მოხმარებისთვის მონტაჟდება, შესაბამისად კარს ჭირდება ძირის მექანიზმი.

კარის მექანიზმის ტიპი

თბილისში 3 ტიპის მექანიზმი იყიდება კალეს, კახეს და დორმას ფირმის, სხვა მექანიზმები ძირითადად ძველი წარმოების არის და ასეთი მექანიზმი თუ დაზიანდა კარზე ამ შემთხვევაში შესაძლოა მთლიანი კარის შეცვლა დაგჭირდეთ მექანიზმის ჩათვლით, რადგან კარის ჭრილი დიდი ალბათობით ახალი მექანიზმის საინსტალაციო ზომას არ დაემთხვევა, ნაწრთობი მინის ხელახლა დაჭრა კი სხვა ზომაზე შეუძლებელია, აქვე უნდა აღინიშნოს რომ კალეს და კახეს მექანიზმებს ერთი და იგივე კარის ჭრილი ჭირდება, დორმას მექანიზმისთვის ამოჭრილ კარზე კი არცერთი მათგანი არ დგება.

მექანიზმების ფასი და ხარისხი

ჩვენი პრაქტიკიდან შეგვიძლია გითხრათ რომ კახეს მექანიზმი შედარებით ახალი შემოტანილია თბილისის ბაზარზე და ვფიქრობთ საკმაოდ ნორმალურად მუშაობს, თუმცა ეს არ არის დასკვნა, ასეთი დასკვნის დადებას პრაქტიკა და წლები ჭირდება, რაც შეეხება კალეს და დორმას მექანიზმებს ისინი საკმაოდ მაღალი ხარისხის არის და ამ მექანიზმებზე რეკომენდაციას ჩვენი პირადი დაკვირვება და პრაქტიკა ამყარებს. 2024 წლის აგვისტოს მონაცემებით კახეს მექანიზმი 380 ლარი ღირს, კალეს მექანიზმი 495 ხოლო დორმას მექანიზმი 600 ლარი.

შეჯამება

შეუკვეთეთ სლაიდური საშხაპე კაბინა ულტრა თეთრი შუშით თუ ამის საშუალებას ბიუჯეტი გაძლევთ, რაც შეეხება მრავალჯერადი დანიშნულებისთვის კარს: მაღაზიისთვუს ოფისისთვის და ა.შ ამ შემთხვევაში ზომიერებას გირჩევთ და კალეს მექანიზმს გავუწევთ რეკომენდაციას რადგან ოპტიმალურად მივიჩნევთ მასზე დახარჯულ თანხას ჩევენი პრაქტიკიდან გამომდინარე.